Gvardiol "Tottenxem"ga o'tishi mumkin edi

"Leyptsig" va Xorvatiya terma jamoasi himoyachisi Yoshko Gvardiol o'tgan yozda "Tottenxem"ga o'tish imkoniyatiga ega bo'lgandi, deya xabar beradi taniqli insayder Fabritsio Romano.

Manbaning xabariga ko'ra, ingliz klubi rahbariyati 20 yoshli futbolchining transfer narxini juda qimmat deb hisoblab, Gvardiol bilan shartnoma imzolash g'oyasidan voz kechishga qaror qilgandi.

Futbolchining nemis klubi bilan amaldagi shartnomasi 2027 yilning yoziga qadar tuzilgan. Transfermarkt portali yosh himoyachini 60 million evroga baholamoqda. Oldinroq Gvardiolga "Chelsi" ham qiziqish bildirayotgani xabar qilingandi.

Joriy mavsumda xorvatiyalik futbolchi “Leyptsig” safida 19 ta o'yin o'tkazib, 1 ta gol urgan.