"Chelsi" yozda ikkita yirik xaridni amalga oshirmoqchi

Daily Express nashri xabariga ko'ra, "Chelsi" kelasi yozda ikkita angliyalik yarim himoyachi bilan shartnoma imzolamoqchi.

Manbaga ko'ra, gap Dortmundning "Borussiya" klubi yarim himoyachisi Jud Bellingem va "Vest Xem" yarim himoyachisi Deklan Rays haqida ketmoqda. Har ikki futbolchi uchun London klubi rahbariyati taxminan 280 million funt (taxminan 322 million evro) to'lashi kerak bo'ladi.

Transfermarkt portali ma'lumotlariga ko'ra, Bellingemning narxi 100 million evro, Rays esa 80 ga baholangan.

19 yoshli Bellingem joriy mavsumda Dortmundning “Borussiya” klubi safida 22 ta o'yinda maydonga tushib, 9 ta gol urdi va 3 ta golli uzatmani amalga oshirdi. 23 yoshli Rays 20 o'yinda bitta to'p va ikkita golli uzatmaga ega.