"Milan" "Real" futbolchisini 22 million evroga sotib olish niyatida emas

"Milan" hujumkor yarim himoyachi Braim Diasning o'yinidan mamnun. Italiya A seriyasi gigantida 23 yoshli futbolchini “Real”dan sotib olish imkoniyati bor, ammo “rossonerilar” 22 million evro to'lashga tayyor emas. Bu haqda AS o'z sahifalarida yozmoqda.

Qayd etilishicha, agar "Milan" Braim Diasni sotib olish variantini amalga oshirsa, "Real" futbolchini 26 million evroga qaytarib sotib olishi mumkin bo'ladi. Bu haqda klublar o'rtasidagi shartnomada ham band ko'rsatilgan.

Braim Dias milanliklar safida jami 96 ta rasmiy o'yin o'tkazgan. Ularda yarim himoyachi 15 ta gol urdi va sheriklariga 9 ta golli uzatma berdi.