"Tottenxem" Brozovichni o'z safiga qo'shib olish uchun Perishichdan foydalanmoqchi

"Tottenxem" klubi "Inter" yarim himoyachisi Marselo Brozovichga qiziqish bildirayotgan klublar ro'yxatidan joy oldi.

Mondo Calcio nashri xabariga ko'ra, London klubi Brozovich bilan yaxshi munosabatda bo'lgan Ivan Perishichdan yordam so'ramoqchi. "Shporlar" Perishichdan Brozovichni klubga o'tishga ko'ndirishini istamoqda.

Marselo Brozovich yaqinda o'zining 30 yoshini nishonladi. Transfermarkt portali xorvatiyalik futbolchini 35 million evroga baholamoqda.

Shuni qo'shimcha qilish kerakki, Marselo Brozovich Angliya Premer-ligasining boshqa klublari - "Manchester Yunayted" va "Liverpul"ning ham nishonida turibdi.