"Real" "Bavariya" himoyachisiga ko'z tikmoqda

Kanada terma jamoasi va Myunxenning "Bavariya" klubi qanot himoyachisi Alfonso Devis Ispaniya chempionatida o'ynash imkoniyatiga ega. Bu haqda Goal.com portali xabar bermoqda.

Himoyaning chap qanotini kuchaytirmoqchi bo'lgan "Real" futbolchining transferiga qiziqish bildirmoqda. "Qirollik klubi" vakillari Qatarda bo'lib o'tadigan 2022 yilgi jahon chempionatida Devisning o'yinini kuzatib boradi. Agar Alfonsoning transferi amalga oshsa, madridliklar frantsiyalik Ferlan Mendi bilan xayrlashadi.

22 yoshli Devis Myunxenning top-klubi bilan 2025 yilning yoziga qadar shartnoma imzolagan. Transfermarkt portali uning narxini 70 million evroga baholamoqda.