Hamma JCh bilan ovora bo'lib turgan bir paytda "Manchester Siti" Messiga rasmiy taklif yubordi
/ Kiritdi: BestMaster Ko'rilgan: 100
"PSJ" va Argentina terma jamoasi hujumchisi Lionel Messi faoliyatini "Manchester Siti"da davom ettirishi mumkin, deb xabar bermoqda SPORT.
Manbaga ko'ra, "shaharliklar" rahbariyati 35 yoshli futbolchini kelasi yozda o'z safiga qo'shib olishni rejalashtirgan. Qayd etilishicha, "Manchester Siti" Messiga rasmiy so'rov yuborib, futbolchiga mavsumiga 30 million evro maosh bilan ikki yillik shartnoma taklif qilgan.
E'tiborli tomoni shundaki, etti karra "Oltin to'p" sohibining "PSJ" bilan amaldagi shartnomasi kelasi yil yozida tugaydi, shu bois u "PSJ" klubini tekinga tark etishi mumkin bo'ladi.
Eslatib o'tamiz, "shaharliklarni"ni Kataloniya "Barselona" klubidagi faoliyati orqali argentinalik bilan yaxshi tanish bo'lgan ispaniyalik murabbiy Xosep Gvardiola boshqarmoqda.
Messi joriy mavsumda "PSJ" safida 19 ta o'yinda maydonga tushib, 12 ta gol urdi va 14 ta golli uzatmani amalga oshirdi.
Bosh sahifaga
338