"Inter" Ronalduni o'z safiga qo'shib olish niyatida emas

Milanning "Inter" klubi "Manchester Yunayted" hujumchisi Krishtianu Ronalduni o'z safiga qo'shib olish niyatida emas. Ronaldu qishki transfer oynasida hozirgi jamoasini tark etishi mumkin.

Sportmediaset nashri xabariga ko'ra, "neradzurrilar" yanvar oyida erkin agentga aylanishi mumkin bo'lgan portugaliyalik futbolchini qo'lga kiritish niyatida emas. Manbaga ko'ra, Milan klubi Krishtianuning maoshini to'lay olmaydi.

Avvalroq, Ronaldu jahon chempionatidan keyin jamoaning Karringtondagi mashg'ulot bazasiga qaytmasligi mumkinligi haqida mish-mishlar tarqalgan edi.