Ana xolos! "MYu" Ronalduning o'rniga Mbappeni olib kelmoqchi

Aftidan, Krishtianu Ronalduning "Manchester Yunayted"dagi hikoyasi o'z nihoyasiga etmoqda. Erik ten Xag va klub rahbarlarining tanqididan so'ng, portugaliyalik futbolchi katta ehtimol bilan qishda klubini o'zgartiradi.

Ronalduning ketishi kutilar ekan, "qizil iblislar" allaqachon transfer bozoridagi variantlarni o'rganmoqda.

Daily Star nashri xabariga ko'ra, "mankunianliklar" Kilian Mbappeni sotib olishga harakat qilishadi. Bitim summasi 150 million funtni (taxminan 170 million evro) tashkil qilishi mumkin.

Kilian Mbappe "PSJ" bilan yangi shartnoma imzoladi. Biroq yaqinda OAVda forvardning klubini o'zgartirish istagi borligi haqida mish-mishlar paydo bo'la boshladi.