Ronalduning "Sporting"ga qaytishi imkonsiz

Krishtianu Ronaldu qishda Lissabonning "Sporting" klubiga qaytmaydi. Bu haqda Football Daily nashri xabar bermoqda.

"Men Krishtianuning "Sporting"ga o'tish ehtimoli bor-yo'qligini aniqlashga harakat qildim. Lekin javob o'zgarishsiz qolmoqda: qishda bu transferga zarracha imkoniyat yo'q. Ronaldu bosh murabbiy Ruben Amorimga mos kelmaydi", - deydi jurnalist Pedru Sepulveda.

Eslatib o'tamiz, Krishtianu Lissabon klubi tarbiyalanuvchisi hisoblanadi.

Ronaldu kelasi yozgacha "Manchester Yunayted"da ishlashga tayyor. Portugaliyalik futbolchi APLning joriy mavsumida o'nta o'yinda atigi bitta gol urdi.