"Atletiko" futbolchisi APLga yo'l olishi mumkin

Madridning “Atletiko” klubi vingeri Yannik Karrasko faoliyatini Angliyada davom ettirishi mumkin. Sport Witness nashrining xabariga ko'ra, 29 yoshli belgiyalik futbolchiga "Nyukasl" qiziqish bildirmoqda.

Qayd etilishicha, Madrid klubi taklif olgach, Karraskoni sotishga tayyor bo'ladi. Qishki transfer oynasida "matraschilar" evrokuboklardan erta chiqib ketgani uchun byudjetni to'ldirishlari kerak.

Yannik Karrasko 2022/2023 yilgi mavsumda 18 ta o'yinda maydonga tushdi. Ularda belgiyalik futbolchi ikkita gol urdi va sheriklariga ikkita samarali uzatma berdi.

Transfermarkt portali Yannik Karraskoni 30 million evroga baholamoqda.