"Barselona" Busketsning o'rniga 60 million evrolik futbolchi topdi

"Real Sosedad" yarim himoyachisi Martin Subimendi "Barselona"ning transfer maqsadi hisoblanadi.

Todofichajes portali xabariga ko'ra, "ko'k-anorranglilar" ushbu futbolchini mavsum yakunida klubni tark etadigan Serxio Busketsning o'rniga o'rinbosar sifatida ko'rishadi.

Transfermarkt portali xabariga ko'ra, 23 yoshli futbolchining narxi 40 million evroga teng. Shu bilan birga, "Real Sosedad" uning transferidan 60 million ishlab olishni kutmoqda, bu esa tuzilgan shartnoma bandida ko'rsatilgan.

Tomonlar o'rtasidagi amaldagi shartnoma muddati 2027 yilning o'rtalarigacha hisoblangan.