"Liverpul" Germaniya terma jamoasi safida jahon chempioni bo'lgan darvozabon bilan shartnoma imzolamoqchi

"Gannover 96" darvozaboni va sardori Ron-Robert Tsiler "Liverpul"ning transfer bozoridagi maqsadi.

"Qizillar" Alison Bekerning o'rniga futbolchi qidirmoqda, deya xabar bermoqda Goal portali.

Manbaning xabariga ko'ra, "Liverpul" Adrian bilan shartnomani uzaytirmaslik (2023 yilning yoziga qadar) va Kevin Kellexerni ijaraga berish niyatida. Tsilerning shartnomasi ham mavsum oxirida tugaydi.

33 yoshli Tsiler "Kyoln" klubi tarbiyalanuvchisi. 2005 yildan 2010 yilgacha u "Manchester Yunayted" tarkibida bo'lgan va "qizil iblislar" tarkibida to'qqizta o'yin o'tkazgan. Angliyada u bir mavsumni "Lester"da ham o'tkazdi.

Eslatib o'tamiz, Tsiler Germaniya terma jamoasi safida 2014 yilgi jahon chempioni hisoblanadi, biroq u turnir o'yinlarida ishtirok etmagan. Darvozabon 2011 yilda terma jamoadagi debyutini o'tkazgan va oltita uchrashuvda ishtirok etgan.