"Real" va "Chelsi" ham meksikalik hujumchiga qiziqish bildirmoqda

"Deportivo Gvadalaxara" klubi va Meksika terma jamoasi hujumchisi Aleksis Vega Evropa gigantlari qiziqishlari doirasiga tushib qoldi. Gap “Real”, “Liverpul” va “Chelsi” haqida ketmoqda. Bu haqda Give me Sport nashri xabar bermoqda.

24 yoshli Vega 2018 yil oxirida "Toluka"dan "Deportivo"ga 5,28 million evro evaziga o'tgandi. Hozir uning bozor qiymati 8 million evroga baholanmoqda. Bu mavsumda Aleksis barcha musobaqalarda 18ta o'yinda 3ta gol urdi va 4ta golli uzatmani amalga oshirdi. Tomonlar o'rtasidagi kelishuv 2024 yilgacha mo'ljallangan.

2019 yilning mart oyida Vega Meksika terma jamoasida debyut qildi, unda u 21 o'yinda to'rt marta gol urdi va uch marta sheriklariga golli uzatma berdi.