"Liverpul" uch nafar futbolchisini transferga qo'ydi

"Liverpul"ning 3 nafar futbolchisi qishki transfer oynasi oldidan sotuvga qo'yildi. Gap himoyachi Nataniel Fillips, yarim himoyachilar Nabi Keyta va Aleks Oksleyd-Chemberlen haqida ketmoqda. Bu haqda Calciomercato nashri xabar bermoqda.

25 yoshli Nataniel Fillips "Bolton" tarbiyalanuvchisi. U 2016 yilda “Liverpul”ga kelib qo'shilgandi, biroq o'shandan beri jamoa safida 25 ta o'yinda maydonga tushdi va aksariyat qismini ijara asosida o'tkazdi. Tomonlar o'rtasidagi kelishuv 2025 yilda yakuniga etadi.

27 yoshli Nabi Keyta "Liverpul" tomonidan 2018 yilning yozida "Leyptsig"dan 60 million evro evaziga sotib olingandi. Bu mavsumda yarim himoyachi "Manchester Siti"ga qarshi Superkubok bahsida atigi 5 daqiqa o'ynadi va hozirda u jarohatidan tiklanmoqda.

29 yoshli Oksleyd-Chemberlen 2017 yilning yozida 38 million evro evaziga "Arsenal"dan "Liverpul"ga o'tgan edi. U joriy mavsumda Premer-liganing ikkita o'yinida 15 daqiqa maydonda harakat qildi.