Arteta rahbariyatdan "Lester" futbolchisini yanvar oyidayoq sotib olishni talab qilmoqda

"Arsenal" bosh murabbiyi Mikel Arteta klub rahbariyatidan yanvar oyidayoq "Lester" yarim himoyachisi Yuri Tilemansni sotib olishni so'radi.

Arteta mavsumning ikkinchi yarmi uchun tarkibni kuchaytirish maqsadida, yanvar oyidagi transfer bozorida yangi futbolchi xarid qilmoqchi.

Mikel qishki mavsumda o'z tarkibiga qo'shmoqchi bo'lgan futbolchilardan biri bu Tilemans bo'lib, u mavsum oxirida shartnomasi tugashi sababli, transfer narxi pasaytirilishi mumkin.

Biroq, The Sun nashri xabariga ko'ra, bir kun avval APLda joriy mavsumdagi uchinchi golini urgan 25 yoshli belgiyalik uchun kurashda "kanonirlar" Angliyaning boshqa klubi va A Seriyaning ikki vakili bilan raqobat qilishlari kerak.