«Borussiya Dortmund» Germaniya terma jamoasi futbolchisi bilan kelishuvga erishdi

Dortmundning “Borussiya” klubi “Bayer” yarim himoyachisi Yulian Brandt bilan kelishuvga erishshiga yaqin turibdi. Bu haqida Kicker xabar tarqatdi.

Manbaning xabariga ko'ra, tomonlar kelishuvga erishgan. 23 yoshli futbolchi “arilar” safiga 25 million evroga qo'shiladi. Futbolchi tibbiy ko'rikdan o'tishi va shartnomaga imzo chekishi qolgan holos.

Eslatib o'tamiz, Brandt “Bayer” safida 2014 yildan buyon to'p surib keladi. U 215ta o'yinda ishtirok etib, 42ta gol urgan va 51ta golga assistentlik qilgan.