Luis Suaresni yangi jamoasining nomi ma'lum bo'ldi

So'nggi oylarni o'z vatanida "Nasonal" klubida o'tkazgan urugvaylik hujumchi Luis Suares faoliyatini Amerika Qo'shma Shtatlarida davom ettiradi. To'purar "Los-Anjeles Gelaksi"ga o'tishga yaqin turibdi.

Eslatib o'tamiz, Suaresning amaldagi klubi bilan shartnomasi shu yil oxirigacha mo'ljallangan. Shartnoma muddati tugagach, Luis Kaliforniya jamoasiga qo'shiladi.

35 yoshli hujumchi joriy mavsumda “Nasonal” safida 12 ta o'yinda maydonga tushib, 5 ta gol urdi.

Evropada Luis kataloniyaliklarning “Barselona”, “Liverpul”, Madridning “Atletiko” va “Ayaks” klublari sharafini himoya qilgan.