"Arsenal" urugvaylik hujumchiga ko'z tikmoqda

Hozirda MLSda "Orlando Siti"da to'p surayotgan urugvaylik hujumchi Fakundo Torres faoliyatini Tumanli Albionda davom ettirishi mumkin.

Fichajes nashri xabariga ko'ra, 22 yoshli futbolchining xizmatlariga Londonning "Arsenal" klubi qiziqish bildirmoqda. Tomonlar qishki transfer oynasida muzokara olib borishlari mumkin.

Fakundo o'tgan mavsumda MLSda 33 ta o'yinda maydonga tushib, 9 ta gol va 8 ta golli uzatmaga mualliflik qilgan.

Premer-liganing 14-turidan so'ng “kanonirlar” 31 ochko bilan turnir jadvalida peshqadamlik qilmoqda va ikkinchi o'rindan ikki ochko oldinda bormoqda.