Potter "Chelsi"ga yana bir sobiq shogirdini olib kelmoqchi

"Brayton"ning hujumkor yarim himoyachisi Leandro Trossar bu mavsumda yaxshi harakat qilmoqda. Belgiyalik futbolchi Premer-liganing 12 uchrashuvida 7 ta gol urdi va sheriklariga 2 ta samarali uzatma berdi.

Leandro Trossarga "Chelsi" faol qiziqish bildirmoqda. Londonda 27 yoshli belgiyalik futbolchi "Brayton"dagi sobiq ustozi Grem Potter bilan yana uchrashishi mumkin.

Trossarning "Brayton" bilan amaldagi shartnomasi mavsum oxirida tugaydi, ya'ni belgiyalik futbolchi bilan yozda tekinga shartnoma imzolash mumkin. Biroq “Chelsi” kutishni rejalashtirmayapti, "ko'klar" transferni yanvar oyida amalga oshirmoqchi, deb yozmoqda The Express nashri.

Transfermarkt ekspertlari Leandro Trossarni 25 million evroga baholagan.