Konte ukrainalik futbolchini o'z jamoasiga olib kelmoqchi

Ukrainalik yarim himoyachi Ruslan Malinovskiy qishki transfer oynasida "Atalanta"ni tark etib, APLga o'tishi mumkin. Bu haqda Goal.com portali xabar bermoqda.

Manba bergan xabarga ko'ra, yarim himoyachi Bergamodagi o'yin amaliyotidan norozi. Shu sababli Ruslan boshqa klublar variantini ko'rib chiqishni rejalashtirmoqda. Malinovskiyga da'vogarlardan biri Londonning “Tottenxem” klubi hisoblanadi. Uning xizmatlariga "shporlar" bosh murabbiyi Antonio Konte shaxsan qiziqmoqda.

Joriy mavsumda ukrainalik futbolchi “Atalanta” safida o'nta o'yinda qatnashib, bitta gol va bitta golli uzatmani amalga oshirdi.