"Arsenal" yanvar oyida qanday transferlarni amalga oshirmoqchi?

Goal.com portali xabariga ko'ra, "Arsenal" yanvar oyida uchta transferni amalga oshirmoqchi. "To'pchilar" ro'yxatida uch nafar futbolchining nomi bor.

Manba bergan xabarga ko'ra, "Shaxtyor" yarim himoyachisi Mixaylo Mudrik, "Palmeyras" futbolchisi Danilo dos Santos va "Vilyarreal" yarim himoyachisi Yeremi Pino londonliklar safiga qo'shilishi mumkin.

"Arsenal" Angliya Premer-ligasida 12 turdan keyin peshqadam bo'lib turibdi. Mikel Arteta shogirdlari 28 ochko bilan ikkinchi o'rindagi “Manchester Siti”dan ikki ochko oldinda.

Bugun, 27 oktyabr kuni “kanonirlar” Evropa ligasi doirasida PSVga qarshi safarda o'ynaydi.