"Nyukasl" futbolchisiga talab ortib bormoqda

"Nyukasl" yarim himoyachisi Bruno Gimaraesga APLning top-klublari qiziqish bildirmoqda.

Goal Brazil xabariga ko'ra, yarim himoyachi kelasi yozda Jorjino va Ngolo Kante o'rniga bir nechta yarim himoyachilarni sotib olmoqchi bo'lgan Londonning "Chelsi"sining qiziqishlari doirasiga tushib qolgan. Eslatib o'tamiz, har ikki futbolchining shartnomasi mavsum oxirida yakuniga etadi.

Gimaraes 2022 yilning yanvaridan beri "Nyukasl"da to'p suradi. O'shandan beri braziliyalik futbolchi ajoyib taassurot qoldirishga muvaffaq bo'ldi va ko'plab top-klublarni qiziqtirdi, ular orasida "Real" ham bor.

"Nyukasl"ga o'tishdan oldin Gimaraes Londonning "Arsenal" jamoasiga o'tishi mumkin edi, ammo "kanonirlar" "Lion"ga kerakli transfer narxini to'lashdan bosh tortishdi.