De Xea faoliyatini La Ligada davom ettirishi mumkin

"Manchester Yunayted" darvozaboni David de Xea "Betis"ga o'tishi mumkin. Fichajes nashrining yozishicha, 31 yoshli darvozabon kelasi yozda ispan klubi bilan shartnoma imzolashga tayyor.

Avvalroq, "qizil iblislar" bosh murabbiyi Erik ten Xag darvozabonning o'yinidan mamnun ekanligini, ammo uning kelajagi borasida hali yakuniy qarorga kelmaganini aytgandi.

De Xea joriy mavsumda barcha musobaqalar doirasida 14 ta o'yinda maydonga tushib, 18 ta gol o'tkazib yuborgan va 6 marta o'z darvozasi daxlsizligini saqlab qolgan.

Darvozabonning “Manchester Yunayted” bilan amaldagi mehnat shartnomasi 2023 yilning iyun oyi oxirigacha amal qiladi. Transfermarkt portali ispaniyalik darvozabonning narxini 15 million evroga baholamoqda.