"Arsenal" "Atletiko" futbolchisining atrofidagi voqealarni kuzatmoqda

Madridning “Atletiko” klubi hujumchisi Joau Feliks faoliyatini “Arsenal”da davom ettirishi mumkin, deya xabar beradi jurnalist Pol Braun.

Manba bergan xabarga ko'ra, London klubi 22 yoshli portugaliyalik futbolchini anchadan beri kuzatib kelmoqda, chunki "kanonirlar" rahbariyatida futbolchiga muxlislik qiluvchilar bor.

Hujumchining Madrid klubi bilan amaldagi shartnomasi 2026 yilning yoziga qadar tuzilgan. Transfermarkt portali Portugaliya terma jamoasi futbolchisini 70 million evroga baholamoqda.

Oldinroq Feliks qishki transfer oynasida "matraschilar"ni tark etishi mumkinligi haqida xabarlar tarqalgan edi. Futbolchiga "PSJ", "Bavariya" va "Manchester Yunayted" ham qiziqish bildirmoqda.

Portugaliyalik futbolchi joriy mavsumda “Atletiko” safida 12 ta o'yinda maydonga tushib, 3 ta golli uzatmani amalga oshirgan.