"Chelsi" futbolchisi "Nyukasl" bilan og'zaki kelishuvga erishdi

Londonning "Chelsi" klubi futbolchisi Kristian Pulishich ko'proq o'ynashni istasa, qishki transfer oynasida klubini o'zgartirishi mumkin.

TodoFichajes nashri xabariga ko'ra, 24 yoshli AQShlik yarim himoyachi "Nyukasl" bilan og'zaki kelishuvga erishgan. "Qarg'alar" bu transfer uchun "Chelsi"ga 40 million evro to'lashga tayyor.

2022/2023-yilgi mavsumda Kristian Pulishich “Chelsi”ning 11ta o'yinida qatnashgan. Shu bilan birga, amerikalik futbolchi maydonda atigi 284 daqiqa o'tkazdi (har bir uchrashuvda o'rtacha 26 daqiqa). Bu holat iqtidorli futbolchiga albatta yarashmaydi.

"Nyukasl" ayni damda APL turnir jadvalida oltinchi o'rinni egallab turibdi.