"Barselona"ning transfer bozoridagi yangi maqsadi ma'lum bo'ldi

Yozda "Barselona" transfer bozorida faol bo'ldi, ammo klub bu bilan to'xtab qolmoqchi emas. Ular hozirdanoq o'z tarkibini yanada kuchaytirishni rejalashtirmoqda. Ispaniyaning Sport nashri tarqatgan xabarga ko'ra, PSVning 24 yoshli yarim himoyachisi Ibrohim Sangare "ko'k-anorranglilar"ning yangi nishoniga aylandi.

Qayd etilishicha, kelasi yozda Sangare shartnomasi bandi faollashtiriladi, unga ko'ra uni 37 million evroga sotib olish mumkin. Agar "Barselona" ivuarlik futbolchini qishda qo'lga kiritmoqchi bo'lsa, shartnoma qimmatroq bo'ladi.

Ibrohim Sangare 2020 yilning kuzi "Tuluza"dan transfer qilinganidan keyin PSV tarkibida da o'ynamoqda. Eyndxovenliklar klubi safida yarim himoyachi 104 ta o'yin o'tkazib, 9 ta gol urgan va 7 ta golga assistentlik qilgan.