"Atletiko" "Chelsi" va "Arsenal" qiziqish bildirayotgan futbolchi uchun kurashishga tayyor

Belgiya terma jamoasi va "Brayton"ning hujumkor yarim himoyachisi Leandro Trossar La Ligaga ko'chib o'tishi mumkin.

Daily Mail nashri xabariga ko'ra, futbolchiga Madridning "Atletiko" klubi qiziqish bildirmoqda. “Matraschilar” 25 yoshli futbolchi uchun “Arsenal” va “Chelsi” bilan kurashishga tayyor.

Trossard 2019 yildan beri “Brayton” safida o'ynab kelmoqda. Futbolchining klub bilan amaldagi shartnomasi joriy mavsum oxirigacha mo'ljallangan. Uning transfer narxi 25 million evro.

Angliya Premer-ligasining joriy mavsumida belgiyalik futbolchi 9 ta o'yin o'tkazib, 5 ta gol urdi va bitta golli uzatmani amalga oshirdi.