Serhio Ramos Ronalduning qaytishi haqida fikr bildirdi

Evro futbol olamidagi eng so'nggi yangiliklar bilan tanishtirib borishda davom etamiz.

Aleksis Sanches muxlislaridan uzr so'radi

Chililik futbolchi APLning so'nggi turi yakunlangach, muxlislardan uzr so'rab o'z ijtimoiy tarmoqlarida post qoldirdi. Unda quyidagi so'zlar keltirilgan edi:

Biz bu mavsumni juda yomon o'tkazdik va muxlislardan uzr so'rashga majburmiz. Men jarohatlarim tufayli bu mavsum maydonda  ko'ngildagidek harakat qila olmadim. Men haqimda OAV yozgan hamma gaplar ham haqiqat emas.  Men bu mavsumdagi sust o'yinlarim uchun sizlardan uzr so'rayman…
«Manchester Yunayted» bir kun kelib albatta avvalgi darajasiga, Fergussoning davrlaridagi ko'rinishiga qaytadi!

Mavsum yakunlangach Ispaniyaning «Marca» nashri Serhio Ramos bilan kichik intervyuni e'lon qildi. Uni saytimiz o'quvchilariga ilindik.

Biz uchun juda og'ir o'tgan mavsum o'z yakuniga etganidan xursandman. Keyingi mavsumni sabrsizlik bilan kutmoqdaman.  Mavsumlar orasida bizni og'ir sinovlar kutib turibdi. Biz endi o'z tarkibimizni va o'yin uslubimizni rivojlantirgan holda muxlislarimiz xohlagan jamoaga aylanishimiz darkor! «Real» bu «qirollik klubi» degani! Biz bu yuqori nomga loyiq bo'lishimiz shart! O'ylashimcha, Zidan o'z ishini yaxshi biladi, jamoa uchun kerakli o'yinchilarni «Real Madrid»ga olib keladi va bizni avvalgi darajaga olib chiqa oladi! Ronalduga keladigan bo'lsak, uning yo'qligi bizga o'z ta'sirini o'tkazmay qolmadi. U bor paytlari bizda muammolar yo'q edi. Uning qaytishini xohlaysizmi? Ronaldudek futbolchi klubingda to'p surishini kim ham xohlamaydi deysiz? Shunga qaramasdan, o'ylashimcha u ortga qaytmaydi. Qaytgan taqdirda ham voqealar rivoji qanday bo'lishini taxmin qilishning iloji yo'q!