"Betis" "Real" futbolchisini o'z safiga qo'shib olish uchun dastlabki qadamni tashladi

"Real" yarim himoyachisi Dani Sebalos tez orada "Betis"ga o'tishi mumkin. Diario AS nashrining xabariga ko'ra, Manuel Pellegrini jamoasi yarim himoyachini transfer qilish bo'yicha dastlabki qadamlarni tashlab bo'lgan.

Eslatib o'tamiz, Sebalosning "Real" bilan shartnomasi kelasi yozda yakuniga etadi. “Qaymoqranglilar” rahbariyati futbolchining jamoani tekinga tark etishiga allaqachon qaror qilgan.

Sebalos - "Betis" tarbiyalanuvchisi. Yarim himoyachi 2017 yilgacha "yashil-oqlar" safida to'p surgan, shundan so'ng uni "Real" sotib olgandi.

2019 yildan 2021 yilgacha futbolchi Londonning “Arsenal” klubida ijara asosida o'ynagan.