"Chelsi" "Leyptsig" futbolchisi uchun kurashib olib borishga tayyor

Jurnalist Kristian Falkning xabar berishicha, "Chelsi" "Leyptsig" yarim himoyachisi Konrad Laymerga qiziqish bildirmoqda.

Oldinroq, kelasi yozda nemis klubini tekinga tark etishi mumkin bo'lgan 25 yoshli avstriyalik futbolchining xizmatlariga "Bavariya" va "Liverpul" ham qiziqish bildirayotgani xabar qilingandi.

Joriy mavsumda yarim himoyachi hozirgi jamoasi tarkibida oltita o'yin o'tkazib, samarali harakatlarini amalga oshira olmadi. Transfermarkt portali Avstriya terma jamoasi futbolchisini 28 million evroga baholamoqda.

Eslatib o'tamiz, hujumchi Kristofer Nkunku va himoyachi Yoshko Gvardiol ham "Leyptsig"dan "Chelsi"ga o'tishi mumkin. Bundan tashqari, London klubi rahbariyati Dortmundning “Borussiya” klubining 19 yoshli yarim himoyachisi Jud Bellingem atrofidagi vaziyatni diqqat bilan kuzatib bormoqda.