"Yuventus" futbolchisi APLga yo'l olishi mumkin

"Yuventus" yarim himoyachisi Ueston Makkenni yanvar oyida jamoani tark etishi mumkin.

AQShlik futbolchining ketishi mumkinligi haqidagi ma'lumotlar bir necha kun oldin Italiya matbuotida paydo bo'lgan edi. Ma'lumotni taniqli insayder Nikolo Skira tasdiqladi, uning ta'kidlashicha, Makkenni rahbariyat rejalariga kiritilmagan, shu sababli 24 yoshli futbolchining qishki transfer oynasida sotilishi tobora oydinlashib bormoqda. Yarim himoyachining Angliya Premer-ligasiga o'tish ehtimoli yuqori.

Ueston Makkenni 2021 yilning yozida 20,5 million evro evaziga "Shalke-04"dan "Yuventus"ga ko'chib o'tgan edi. Joriy mavsumda AQSh terma jamoasi futbolchisi Massimiliano Allegri jamoasi safida 12 ta o'yin o'tkazib, 1 ta gol urdi va 1 ta golli uzatmaga mualliflik qildi.