"Milan" futbolchisiga APL klubi qiziqish bildirmoqda

"Milan" yarim himoyachisi Sandro Tonali kelasi yozda Angliyaga chempionatiga o'tishi mumkin. Calciomercatoweb sayti xabariga ko'ra, "Chelsi" futbolchini o'z safiga qo'shib olmoqchi.

Manbaga ko'ra, "Chelsi" Sandro Tonalini shartnoma imzolash uchun munosib nomzod sifatida ko'rmoqda. London klubi Jorjino va Kantening ehtimoliy ketishiga hozirlik ko'rmoqda. Bu futbolchilarning shartnomalari mavsum oxirida tugaydi.

Sandro Tonalining "Milan" bilan tuzilgan shartnomasi 2027 yilning iyun oyi oxirigacha mo'ljallangan. Transfermarkt portali 22 yoshli yarim himoyachini 50 million evroga baholamoqda.

Oktyabr oyida Sandro Tonali Chempionlar ligasi doirasida "Chelsi"ga qarshi har ikki o'yinda ham 90 daqiqa harakat qildi.