Lionel Messi 2023 yilda «Barselona»ga qaytadi
/ Kiritdi: BestMaster Ko'rilgan: 237
«PSJ» hujumchisi Lionel Messi «Barselona»ga qaytadi. Bu haqda portugaliyalik insayder Pedru Almeyda xabar bermoqda.
«Ko'k-anorranglilar» Messini ortda qaytarishni istaydi va argentinalikning o'zi ham bunga qarshi emas. 2023 yil iyul oyida, parijliklar bilan shartnomasi yakuniga etgach, Messi Ispaniyaga qaytadi, deya ta'kidlamoqda Almeyda.
«PSJ» ham Leo bilan amaldagi shartnomani uzaytirish uchun harakat qilmoqda.
Avvalroq 35 yoshli futbolchi Jahon Chempionatidan so'ng kelajagi borasida yakuniy qarorga kelishi haqida xabar berilgandi.
2022/23 yilgi mavsum Messi Frantsiya chempionatida 9 ta o'yinda maydonga tushib, 5 ta gol va 7 ta golli uzatmaga mualliflik qildi.
35 yoshli futbolchi 2003 yildan 2021 yilga qadar kataloniyaliklar sharafini himoya qilgan. Leo «Barselona» safida 835 ta o'yinda ishtirok etib, 709 ta gol urgan. Ispan klubi safida 10 marta Ispaniya chempionati, 7 marta Ispaniya Kubogi, 8 marta Ispaniya Superkubogi, 4 marta Chempionlar Ligasi, 3 marta UEFA Superkubogi va 3 marta klublar o'rtasidagi Jahon Chempionatida zafar quchgan.
Bosh sahifaga
196