«Manchester Yunayted» Grizmann uchun kurashga qo'shildi

«Atletiko» hujumchisi Antuan Grizmann faoliyatini «Manchester Yunayted»da davom ettirishi mumkin. Mankunianliklar 28 yoshli futbolchi uchun 120 million evro miqdoridagi tovon pulini to'lashga tayyor.

Avvalroq frantsiyalik futbolchi «Barselona» bilan muzokara olib borayotgani haqida xabar tarqatilgan edi. Ma'lumotlarga qaraganda, "ko'k-anorranglilar" futbolchilari Grizmanning xarid qilinishiga norozilik bildirishmoqda.

Antuan o'tgan haftada bayonot berib, yozda «Atletiko»ni tark etishini ma'lum qildi. U mazkur mavsumda o'z klubi safida jami 48ta o'yinda maydonga tushib, 21ta gol urdi va 10ta golga uzatma berdi.

Shuningdek, Grizmannga «Bavariya», «PSJ» va «Manchester Siti» klublari tomonidan qiziqishlar bo'lmoqda.