"Real" "Inter"ning 70 million evroli futbolchisiga ko'z tikmoqda

Italiya terma jamoasi va “Inter” klubi yarim himoyachisi Nikolo Barella faoliyatini Ispaniya chempionatida davom ettirish imkoniyatiga ega.

Todofichajes nashri xabariga ko'ra, vatandoshini transferiga "Real" ustozi Karlo Anchelotti qiziqish bildirmoqda.

Italiyalik mutaxassis Barellani Luka Modrich yoki Toni Kroosning o'rnini bosuvchi futbolchi sifatida ko'rmoqda. "Inter" allaqachon "qaymoqranglilar"ga 25 yoshli futbolchining boshlang'ich narxi 70 million evro ekanligini ma'lum qilgan.

Nikolo joriy mavsum A Seriyada 8 ta o'yinda maydonga tushib, 2 ta gol urdi va 3 ta golli uzatmani amalga oshirdi.