Grizmann "Atletiko"ga o'tish uchun maoshining sezilarli dajarada qisqartirilishiga rozi bo'ldi

Hujumchi Antuan Grizmann "Barselona"dan "Atletiko"ga to'liq o'tish arafasida.

Avval xabar qilinganidek, klublar frantsiyalik futbolchining transferi shartlarini kelishib oldi - 20 million evro va futbolchining o'yiniga qarab 2 million bonus. TMW xabariga ko'ra, Grizmann nihoyat "Barselona"ni tark etish uchun maoshini sezilarli darajada kamaytirishga rozi bo'lgan. Forvardning shartnomasi 2026 yilning yoziga qadar mo'ljallangan.

Eslatib o'tamiz, ijara shartnomasida Grizmannni 40 million evroga sotib olish ko'zda tutilgan edi. Ushbu band kuchga kirmasligi uchun "Atletiko" futbolchining o'yin vaqtini jiddiy cheklashga majbur bo'ldi.