"Real" futbolchisi uchun APLning yana bir klubi kurashga qo'shildi

“Real” yarim himoyachisi Marko Asensio faoliyatini Angliya Premer-ligasida davom ettirishi mumkin.

Calciomercato nashri xabariga ko'ra, ispaniyalik futbolchiga Londonning "Arsenal", "Liverpul" va "Tottenxem" klublari qiziqish bildirmoqda. Oldinroq Madrid klubi Asensio bilan 2022/23 yilgi mavsum oxirida tugaydigan shartnomani uzaytirmaslikka qaror qilgani haqida xabar berilgandi.

Joriy mavsumda 26 yoshli futbolchi barcha turnirlarni inobatga olgan holda beshta uchrashuvda qatnashib, bitta gol urgan. Transfermarkt portali ma'lumotlariga ko'ra, futbolchining narxi 35 million evroga teng.

Madridning “Real” klubi La Ligada etti turdan keyin 19 ochko bilan ikkinchi o'rinda bormoqda.