"PSJ" Shkrinyarni 20 million evro evaziga sotib olishni rejalashtirmoqda

"PSJ" qishda "Inter"dan himoyachi Milan Shkrinyarni 20 million evro evaziga sotib olmoqchi.

Jurnalist Adrien Grenening ijtimoiy tarmoqlarda yozishicha, parijliklar bu summa shartnoma muddati tugashiga 5 oy vaqt qolganida, ya'ni yanvar oyida futbolchini transfer qilish uchun etarli deb hisoblamoqda.

Eslatib o'tamiz, yozda "Inter" Shkrinyar uchun 70 million evro talab qilgandi, garchi futbolchining shartnomasi tugashiga bir yil qolgan bo'lsa-da. Futbolchining o'zi ham o'tishga tayyor edi, ammo "neradzurrilar" kerakli taklifni olmagan va natijada Milan Simone Indzagi jamoasida qolgan.

"Inter" Shkrinyarga yangi shartnoma taklif qilmoqchi, biroq himoyachini maosh shartlari hali qoniqtirmayapti.