"MYu" hamon de Yongdan umidini uzgani yo'q

"Barselona" yarim himoyachisi Frenki de Yong hamon "Manchester Yunayted"ning e'tiborida turibdi. Jurnalist Rob Dousonning so'zlariga ko'ra, “qizil iblislar” keyingi yozda niderlandiyalik futbolchini qo'lga kiritish uchun yana bir urinib ko'radi.

Eslatib o'tamiz, de Yong o'tgan yozda "Manchester Yunayted"ga o'tishi mumkin edi, ammo yakunda u "Barselona"da qolishni istagani uchun ketishdan bosh tortdi. Shu bilan birga, "qizil iblislar" yarim himoyachi uchun taxminan 90 million evro to'lashga tayyor edi.

De Yongga avvalroq Londonning “Chelsi” klubi ham qiziqish bildirayotgan edi. De Yongdan tashqari, "Manchester Yunayted" kelasi yozda Dortmundning "Borussiya" klubidan Jud Bellingemni ham sotib olmoqchi. Bellingemning narxi 150 million evroga baholanmoqda.