"Manchester Yunayted" Gapko uchun kurashda jiddiy raqobatga duch kelishi mumkin

"Manchester Yunayted" qiziqish bildirayotgan PSV yarim himoyachisi Kodi Gakpoga Angliyaning yana ikki klubi da'vogarlik qilmoqda.

Football Transfers nashri xabariga ko'ra, niderlandiyalik futbolchiga "Sautgempton" va "Everton" faol qiziqish bildirmoqda.

Hozirda Gakpo Niderlandiya klubi safida to'p surmoqda va barcha musobaqalarda 13 uchrashuvda 10 ta gol urdi. Agar Kodi yaxshi o'yin ko'rsatsa, jamoalar uni qishki transfer oynasidayoq sotib olishlari mumkin.

Qayd etilishicha, PSV futbolchi uchun yuqori narx belgilamoqchi. “Qizil-oqlar” futbolchi bilan 45 million evrodan ko'proq evaziga xayrlashmoqchi. Gakponing narxi ko'p jihatdan Niderlandiya terma jamoasining JCh-2022dagi o'yiniga bog'liq bo'ladi. Qatardagi Jahon chempionati 20 noyabr kuni boshlanadi.