"Real" "Manchester Siti"ning portugaliyalik futbolchisiga ko'z tikmoqda

"Real" klubi "Manchester Siti" vingeri Joau Kanseluni o'z safiga qo'shib olmoqchi.

28 yoshli portugaliyalik futbolchi avvalgi mavsumda juda muvaffaqiyatli o'ynab, Premer-liganing ramziy jamoasidan joy oldi. Diario AS nashri xabariga ko'ra, Kanseluning o'yini kelasi yozda qimmat transferni amalga oshirishga harakat qiladigan "Real" mutasaddilarini hayratda qoldirdi.

Qanot himoyachisining amaldagi shartnomasi 2027 yilgacha mo'ljallangan, bu esa kelishuvni jiddiy ravishda murakkablashtirishi mumkin. Joao Kanselu joriy mavsumda “shaharliklar” safida o'nta o'yinda maydonga tushib, bitta gol urdi va uchta golli uzatmaga mualliflik qildi.