"MYu" o'z futbolchisini Evropaning top-klublariga sotishdan bosh tortgani ma'lum bo'ldi

"Manchester Yunayted" himoyachisi Diogo Dalot 2021 yilning yozida klubini o'zgartirishi mumkin edi, deya xabar bermoqda Fabritsio Romano.

Manbaga ko'ra, portugaliyalik futbolchining xizmatlariga Dortmundning "Borussiya", "Milan" va "Atletiko" kabi klublar qiziqish bildirgan. Biroq "mankunianliklar" o'z futbolchisini sotishdan bosh tortdilar, qolaversa, futbolchining o'zi ham jamoada qolishni istadi.

Oldinroq "Manchester Yunayted" rahbariyati 23 yoshli futbolchi bilan shartnomani uzaytirish niyatida ekani haqida xabar berilgandi.

Dalot 2018 yilning yozida "Portu"dan 22 million evro evaziga "Manchester Yunayted"ga o'tgan edi. Portugaliyalik futbolchi “qizil iblislar” safida jami 73 ta o'yin o'tkazib, bitta gol urgan va 5 ta golli uzatma ham bergan.