Bellingem "Real"ga o'tish maqsadida APL klublarining takliflariga rad javob bermoqchi

Jahon futbolining asosiy iste'dodlaridan biri Jud Bellingem kelasi yozda vataniga qaytish haqida o'ylamayapti.

Marca nashrining xabariga ko'ra, Angliya terma jamoasi yarim himoyachisi "Manchester Siti", "Liverpul" va "Manchester Yunayted"dan kelgan takliflarga javob bermaydi, chunki yarim himoyachi "Real" futbolchisi bo'lishni orzu qiladi. Mish-mishlarga ko'ra, Dortmundning "Borussiya" klubi rahbariyati 19 yoshli ingliz futbolchisini 93 million evroga sotishni ko'rib chiqishga tayyor.

Eslatib o'tamiz, Bellingemning "arilar" bilan shartnomasi 2025 yilda tugaydi. Futbolchi nemis klubi safiga 2020/2021 yilgi mavsum oldidan kelib qo'shilgan va bungacha "Birmingem" jamoasida o'ynagan.