"Liverpul" argentinalik yarim himoyachini o'z safiga qo'shib olmoqchi

"Benfika"ning argentinalik yarim himoyachisi Entso Fernandes qishda faoliyatini Angliya Premer-ligasida davom ettirishi mumkin.

O Jogo nashri xabariga ko'ra, 21 yoshli yarim himoyachi xizmatlariga "Liverpul" qiziqish bildirmoqda. "Mersisaydliklar" qishki transfer oynasi vaqtida futbolchining transferini hal qilish niyatida.

Shu bilan birga, Argentina terma jamoasi futbolchisining o'zi ham joriy mavsumni yakunlab, keyin kelajagi borasida bir qarorga kelmoqchi.

Qayd etilishicha, Fernandesning shartnomasidagi tovon puli 120 million evroni tashkil qiladi. Amaldagi kelishuv 2027 yilning yoziga qadar mo'ljallangan.

Entso Fernandes "Benfika"ga yozda "River Pleyt" klubidan ko'chib o'tgandi. U Portugaliya chempionatining ettita uchrashuvida qatnashib, bitta gol urdi va ikkita sariq kartochka oldi.