"Yuventus" hujumchisi qishda "Arsenal"ga ko'chib o'tishi mumkin

"Yuventus" hujumchisi Dushan Vlaxovich faoliyatini "Arsenal"da davom ettirishi mumkin, deya xabar bermoqda Calciomercato nashri.

Manbaning xabariga ko'ra, ingliz klubi rahbariyati 22 yoshli serbtyalik futbolchining atrofidagi vaziyatni kuzatib bormoqda va kelayotgan qishda transfer bo'yicha taklif bilan chiqishga tayyor.

Eslatib o'tamiz, avvalroq taniqli insayder Fabritsio Romano "Arsenal" ham, futbolchining o'zi ham ushbu transferdan manfaatdor emasligini aytgan edi.

Vlaxovich joriy mavsumda “Yuventus” safida 8 ta o'yinda maydonga tushib, 4 ta gol urdi. Serbiyalik hujumchining Turin klubi bilan amaldagi shartnomasi 2026 yilning yoziga qadar mo'ljallangan.