«Barselona»da Suaresga kim o'rinbosar bo'ladi?

Kataloniyaning “Barselona” klubi “Selta” hujumchisi Maksi Gomesga qiziqish bildirmoqda deb xabar beradi AS nashri.

Manbaning xabar berishicha, “ko'k-anorranglilar”ning vakillari urugvaylik futbolchini uzoq vaqtdan beri kuzatib kelmoqda.

“Barselona”da u Luis Suaresga o'rinbosar sifatida ko'rilmoqda. Uning tovon puli 50 mln evroni tashkil qiladi.

Ma'lumot uchun, joriy mavsum 22 yoshli futbolchi “Selta” libosida 16 ta o'yinda maydonga tushib, barcha turnirlarda 4 ta gol va 2 ta golga pas berdi.