"Chelsi" futbolchisiga Evropaning to'rtta top-klublari qiziqish bildirmoqda

"Chelsi" himoyachisi Trevo Chaloba qishki transfer oynasida hozirgi jamoasini tark etishi mumkin. Bu haqda insayder Fabritsio Romano ijtimoiy tarmoqlar orqali ma'lum qildi.

Manbaga ko'ra, 21 yoshli futbolchi o'yin amaliyotiga ega bo'lish uchun ijaraga ketmoqchi. Trevo faoliyatini davom ettirish variantlari orasida bir vaqtning o'zida bir nechta klublar bor: "Leyptsig", "Milan", "Inter" va "Roma".

Angliya Premer-ligasining joriy mavsumida Chaloba bitta uchrashuvda ishtirok etdi.

Himoyachi 2021 yilning iyulidan buyon “ko'klar” safida to'p surmoqda. Futbolchining London klubi bilan amaldagi shartnomasi muddati 2025/2026 yilgi mavsum oxirigacha mo'ljallangan.