«MYu» — so'nggi 10 yilda transferlarga eng ko'p ortiqcha pul sarflagan jamoa

"CIES Football Observatory" tadqiqot markazi Evropaning top-5 chempiontlarida transferlar uchun ortiqcha pul sarflagan jamoalar reytingini e'lon qildi.

Ushbu ro'yxatning eng yuqori pog'onasini «Manchester Yunayted» egalladi. «Qizil iblislar» 2012 yilning iyul oyidan 2021 yilning noyabr oyigacha bo'lgan muddatda 33ta transferni amalga oshirgan bo'lib, ular uchun jamoa 1,59 mlrd evro sarflagan. Markaz hisob-kitobiga ko'ra, shundan 238 million evrosi ortiqcha xarajat hisoblanadi. Ya'ni, klub qaysidir o'yinchilar uchun o'z narxidan ko'proq to'lab yuborgan.

Bu borada ikkinchi va uchinchi pog'onalarni «Yuventus» va «PSJ» jamoalari egalladi — mos ravishda 234 mln va 162 mln evro.

«Aston Villa» (149 mln) va «Chelsi» (135 mln) kuchli beshlikdan o'rin olishdi.