Chempionshipda o'ynayotgan hujumchiga La Liganing to'rtta klubi qiziqish bildirmoqda

"Blekbern" hujumchisi Ben Brereton bir vaqtning o'zida bir nechta ispan klublarining e'tiborini tortdi, deb xabar bermoqda Football Insider.

Manba bergan xabarga ko'ra, 23 yoshli chililik futbolchining xizmatlariga "Vilyarreal", "Valensiya", "Real Sosedad" va "Selta" klublari qiziqish bildirmoqda. Qayd etilishicha, ushbu klublar futbolchiga hozirdanoq taklif tayyorlamoqda.

Qolaversa, Angliyaning “Everton” va “Lids” klublari ham Breretonni yaqindan kuzatib borishmoqda.

Chempionshipning joriy mavsumida (Angliyaning ikkinchi eng kuchli divizioni) hujumchi 10 ta o'yin o'tkazib, 4 ta gol va bitta golli uzatmani amalga oshirdi. Transfermarkt portali Chili terma jamoasi futbolchisini 16 million evroga baholamoqda.