Adama Traore "Everton"ga yo'l olishi mumkin

Vengriyaning "Ferentsvarosh" safida to'p surayotgan 27 yoshli hujumchi Adama Traore faoliyatini Tumanli Albionda davom ettirishi mumkin. Stanislav Cherchesov shogirdiga Angliya Premer-ligasi vakillaridan biri qiziqish bildirmoqda.

The Sun nashri xabariga ko'ra, "Everton" futbolchini o'z safiga qo'shib olishni rejalashtirmoqda. Kelishuv yanvar oyidagi transfer oynasida yakunlanishi mumkin.

2022/2023 yilgi mavsumda Traore "Ferentsvarosh" tarkibida musobaqalarda 14 ta o'yinda qatnashib, 12 ta gol va 4 ta golli uzatmani amalga oshirdi.

APLning 6 turidan so'ng “Everton” turnir jadvalida 16-o'rinni egallab turibdi.